Produktet nga druri të kompanisë “Vëllezërit Krasniqi” në Drenas, të kërkuara si brenda ashtu edhe jashtë vendi
Kombinimet e panumërta nga druri, stilet e ndryshme, ngjyrat dhe kërkesat e palëve për funksionalitet specifik, janë vetëm disa prej gjërave të cilat kompania “Vëllezërve Krasniqi” në Drenas, me shumë punë dhe përkushtim i ofrojnë për kërkesat e palëve.
Sot drejtoresha e Zhvillimit Ekonomik, Egzona Jetullahi, se bashku me shefen e sektorit, Shehrije Mustafa, vizituan punëtorinë e “Vëllezërve Krasniqi”.
Drejtoresha Jetullahi gjatë kësaj vizite, u informua se punëtoria e “Vëllezërve Krasniqi” daton që nga viti 1960, ku 4 gjenerata merren me këtë profesion sipas pronareve Ragip dhe Sabit Krasniqi, të kësaj kompanie.
Fillimisht punëtoria ishte e thjeshtë, por frymëzonte më ide të mëdha, ndërsa sot kjo kompani posedon teknologjinë moderne, ku çdo produkt i tyre e bart vulën e mjeshtërisë së përsosur dhe dashurisë ndaj punës, ku produktet e këtij biznesi shiten brenda dhe jashtë vendit.
