Autobusi godet për vdekje një grua te Stacioni i Autobusëve, arrestohet shoferi

Një aksident i rëndë trafiku me pasoja fatale ka ndodhur të premten, më 6 nëntor 2026, në afërsi të Stacionit të Autobusëve në Prishtinë, ku një grua ka humbur jetën pasi është goditur nga një autobus.

Sipas raportit 24-orësh të Policisë së Kosovës, aksidenti ka ndodhur rreth orës 08:00, kur një autobus, që drejtohej nga një shtetas kosovar, ka goditur një këmbësore.

Si pasojë e goditjes, viktima ka pësuar lëndime trupore dhe është transportuar për trajtim mjekësor në Qendrën Klinike Universitare të Kosovës (QKUK).

Pavarësisht trajtimit mjekësor, gruaja nuk ka arritur t’u mbijetojë lëndimeve. Vdekja e saj është konstatuar nga ekipi mjekësor.

Policia ka bërë të ditur se, me vendim të prokurorit, shoferi i autobusit është arrestuar dhe dërguar në mbajtje.

Rasti vazhdon të jetë nën hetime nga organet kompetente.