Komuna e Drenasit sërish ndihmon familjet në nevojë, ndan rreth 1400 pako ushqimore-higjienike
- Komuna e Drenasit duke qenë gjithmonë afër qytetarëve, sërish po i del atyre në ndihmë duke u shpërndarë pako ushqimore e higjienike.
Komuna përmes komisionit të caktuar enkas për këtë çështje dhe në bashkëpunim të ngushtë me administratorët e fshatrave, gjatë ditës ka shpërndarë rreth 1400 pako ushqimore e higjienike për familjet që kanë adresuar kërkesë për ndihmë te administratorët.
Pakot janë shpërndarë tek secila familje përmes administratorëve të vendbanimeve dhe komisionit, me qëllim që të evitohet grumbullimi i qytetarëve dhe shpërndarjes më efektive.
Kjo pako përfshinë 18 artikuj ushqimor dhe produkte higjienike, në vlerë prej afër 50 euro.
Listat e përfituesve të pakos janë hartuar nga administratorët e vendbanimeve, pasi që ata e dinë më së miri se cilat familje kanë nevojë për ndihmë në këtë situatë të pandemisë.
Që nga muaji mars, komuna e Drenasit së bashku edhe me donatorë të tjerë, ka ndarë mbi 4 mijë pako.
Kryetari i Komunës, Ramiz Lladrovci ka falënderuar administratorët, komisionin dhe gjithë stafin tjetër që janë angazhuar për ndarjen e këtyre pakove, duke theksuar se do jetë afër qytetarëve gjithmonë.
