Qytetari nga Drenasi, paratë e Trustit ua dhuron familjeve në nevojë

Nexhmedin Hyseni, Drejtor i Departamentit në Administratën Publike, ka njoftuar se ai së bashku me familjen e tij do t’i dhurojnë mjetet e trustit për familjet skamnore.

Hyseni është nga Drenasi dhe këtë veprim po e bënë për të ndihmuar sado pak familjet në nevojë, shkruan DrenicaOnline.

“Nëse ne, kemi një zemër të mirë, një zemër të ngrohtë, ndjenja të ngrohta, ne, të gjithë do të jemi të lumtur dhe të kënaqur.

Ndaj, unë s’bashku me Babain dhe Motrën aplikuam për tërheqjen e 10%, mjeteve tona personale, këtë mundësi të dhënë nga shteti, e cila tërheqje nga ne, kalon katërshifërorin, ku ne si familje do ta ndajmë s’bashku me familje/t në nevojë.

Pra, një pjesë të këtyre mjeteve (prej 500€) unë me familjen, kemi vendosur ta ndajmë me një apo dy familje të cilat ka nevojë, pra me familje qe nuk kanë të punësuar dhe qe nuk kanë të ardhura.

Lutem që zoti t’i gëzon të gjithë”, ka shkruar Hyseni në Facebook.