LAJM JO I MIRË: Drenasi futet në zonë të kuqe, orë policore nga ora 19:00
Ministri i Shëndetësisë, Armend Zemaj, ka nënshkruar vendimin që komuna e Drenasit, të kalojë nga kategoria e rrezikut mesatar, në kategorinë e komunave me rrezik të lartë.
Lajmin e ka dhënë kryetari i Komunës së Drenasit, Ramiz Lladrovci.
Statusi i plotë i Lladrovcit:
Qytetarë të komunës së Drenasit,
Shtoni kujdesin! Zbatoni masat anti Covid dhe respektoni vendimin e nivelit qendror.
Nga sot, komuna jonë i takon komunave me rrezik të lartë të infeksionit!
Ministri i Shëndetësisë, z. Armend Zemaj, ka nënshkruar vendimin që komuna e Drenasit, të kalojë nga kategoria e rrezikut mesatar, në kategorinë e komunave me rrezik të lartë.
Ky vendim vije pas vlerësimit dhe rekomandimit të IKShPK, në pajtim me rastet e infektimeve me virusin Covid 19, për 100 mijë banorë.
Qytetarë të nderuar,
Virusi vdekjeprurës është më i pranishëm këtë javë në komunën tonë se sa javët e mëparshme.
Andaj, kërkoj nga ju të respektoni plotësisht masat anti Covid, si dhe zbatoni vendimin për kufizimet e lëvizjes nga ora 19:00 deri në ora 5:00, me përjashtim të kategorive të përcaktuara në vendim.
Bartni maskën!
Ruani distancën!
Mbani higjienën!
