Fushata kundër dhunës ndaj grave shënohet në Drenas

Kumuna e Drenasit në bashkëpunim me Qendrën për Promovimin e të Drejtave të Grave sot filluan fushatën e 16 Ditëve të Aktivizimit, fushatë botërore që organizohet çdo vit duke filluar me 25 nëntor për të shënuar Ditën Ndërkombëtare për Eliminim e Dhunës ndaj Gruas.

Sikurse në mbarë botën, edhe qyteti i Drenasit përmes kësaj fushate bën thirrje për veprime gjithëpërfshirëse për ta rritur ndërgjegjësimin në mbarë vendin për parandalimin e dhunës ndaj grave dhe në familje.