Altin Krasniqi: Në gjithë Drenicën po ndihet fryma e fitores së madhe të PDK-së

Altin Krasniqi, kandidat për deputet nga Partia Demokratike e Kosovës (PDK), ka shprehur optimizmin e tij për fitoren e partisë në zgjedhjet e ardhshme.

Ai ka theksuar se si në çdo fshat të Drenasit, edhe në Dobroshec po ndihet fryma e fitores dhe mobilizimi i paparë për një triumf të madh të PDK-së.

“Falënderim dhe mirënjohje për angazhimin dhe punën e palodhshme të secilit, për ta kthyer PDK-në aty ku i takon: fituese të zgjedhjeve dhe për kthimin e vlerave në qeveri dhe qeverisje”, ka deklaruar Krasniqi.

Ai ka bërë thirrje për një angazhim edhe më të madh në ditët në vijim, për të siguruar mbështetje sa më të madhe për partinë në zgjedhje.