Isak Neziri nga Mynihu: Kosova po ju pret në shtëpi, çlirimtarë, drejtësia do të triumfojë

Afaristi Isak Neziri, së bashku me bashkatdhetarë në Mynih të Gjermanisë, i është bashkuar numërimit mbrapsht në pritje të një vendimi për çlirimtarët e UÇK-së që po gjykohen në Hagë.

Neziri ka bërë të ditur se në Mynih kanë nisur numërimin e ditëve, duke e cilësuar këtë periudhë si ndër më të rëndësishmet për Kosovën.

“Në Mynih, bashkë me bashkatdhetarë, e nisëm numërimin mbrapsht deri në lirimin e çlirimtarëve tanë”, ka shkruar Neziri.

Ai ka thënë se këto dhjetë ditë janë ditë pritjeje, besimi dhe shprese se, sipas tij, një padrejtësi e gjatë po i afrohet fundit.

“Drejtësia vonoi, por në fund do të triumfojë. Kosova po ju pret në shtëpi, çlirimtarë. Shqiptarët gjithandej po ju presin në liri!”, ka përfunduar Neziri.