Albert Sinani nga Drenasi, takim inspirues me fotografin e njohur Fadil Berisha në Amerikë
Albert Sinani, fotografi i talentuar nga Drenasi që tashmë jeton në Amerikë, ka ndarë një eksperiencë të veçantë nga takimi i tij me fotografin e mirënjohur ndërkombëtar, Fadil Berisha.
Në studion e Berishës, Sinani zhvilloi një bisedë pasionante rreth artit të fotografisë dhe asistoi në një fotosesion profesional me një aktor amerikan, transmeton portali DrenicaOnline.
“Ishte një eksperiencë e paharrueshme dhe motivuese që më pasuron si fotograf”, u shpreh Sinani, duke theksuar se kjo mundësi i ka dhënë shtysë për të vazhduar me pasion rrugëtimin e tij artistik.
Ai planifikon të fillojë punën si fotograf në Amerikë, duke sjellë një perspektivë unike dhe kreative në artin e fotografisë./DrenicaOnline/
