Vetaksident në Sllatinë, rrokulliset vetura – lëndohet një person
Një aksident trafiku ka ndodhur rreth një orë më herët në rrugën nacionale Pejë – Prishtinë, konkretisht në Sllatinë. Si pasojë e këtij aksidenti një person ka mbetur i lënduar.
Sinjali mëson se bëhet fjalë për një vetaksident, ku vetura në fjalë është rrokullisur.
Sipas informacioneve të para, personi i lënduar është dërguar për të pranuar ndihmë mjekësore.
Ndërkaq, në vendin e ngjarjes kanë dalë njësitet policore për të kryer ekzaminimet e nevojshme në lidhje me zbardhjen e rrethanave të aksidentit.
Lajmin për Sinjalin e ka konfirmuar edhe Policia e Kosovës.
Policia iu bën thirrje të gjithë shoferëve për kujdes të shtuar gjatë vozitjes, sidomos gjatë ditëve me reshje shiu e bore, pasi dhjetëra aksidente me të lënduar po regjistrohen çdo ditë në Kosovë.
