Ka 16 gra dhe 151 fëmijë, 66-vjeçari: Dua ta shtoj familjen!
Një burrë, i cili ka 16 gra dhe 151 fëmijë, thotë se kërkon që të shtojë familjen.
Misheck Nyandoro, nga Zimbabve, thekson për “The Herald” se puna e tij me kohë të plotë është që të kënaqë gratë e tij, duke shtuar se po kërkon më të reja, pasi ato të vjetrat e kanë të vështirë që t’i mbajnë ritmin.
Ndërkohë, sipas tij, janë fëmijët ato që e “bombardojnë” me dhurata, duke e lejuar që të bëjë një jetë luksoze.
“Po bëj projektin tim të poligamisë. E kam nisur në vitin 1983 dhe nuk do të ndalem derisa të vdes. Aktualisht, po planifikoj dasmën time të 17-të. Të gjitha gratë e mia gatuajnë dhe unë ha vetëm ushqime të shijshme. Nëse gatimi nuk është në standardin e duhur, e hedh në plehra. Ato i dinë rregullat dhe nuk inatosen kur ia hedh në plehra atë që kanë gatuar, por mësojnë që herën tjetër të gatuajnë më mirë”, tregon afrikani.
Në lidhje me rregullat në shtrat, 66-vjeçari tha: “Kam bërë një grafik që të kënaq minimumi 4 gra në natë. Shkoj në dhomën e gjumit sipas grafikut, e kënaq gruan dhe pastaj kaloj te dhoma tjetër. Përshtatem sipas moshës, në dhomën e gjumit sillem ndryshe me gratë e reja dhe ndryshe me të vjetrat. Kjo është puna ime, nuk kam punë tjetër”.
