Thirret mbledhja e Kuvendit të Komunës së Drenasit, ja rendi i ditës

Në bazë të nenit 43 të Ligjit nr. 03/L-40 për vetëqeverisje Lokale, neni 36,41dhe 42 pika 42.2 të Statutit të Komunës së Drenasit (Gllogocit), nenit 3 pika 3.7 si dhe nenit 12 pika 12.2 të Rregullores së punës të Kuvendit, Kryesuesi i Kuvendit të Komunës, Labinot Halilaj, më datë 30.10.2020 (e premte) duke filluar në ora 10:00 në sallën e Kulturës të Komunës.

Mbledhja do të këtë për rend dite:

1. Procesverbali i mbledhjes së rregullt të Kuvendit Komunal Drenas të dt. 23.09.2020.
2. Raporti Financiar i Zhvillimit Të Buxhetit Janar Shtator 2020.
3. Propozim Vendim për shfuqizimin e Vendimit 12-400-40369,të datës. 23.09.2020,të Kuvendit të Komunës së Drenasit.
4. Propozim Vendim shfuqizimin e Vendimit 12-400-40360, të dt. 23.09.2020,të Kuvendit të Komunës së Drenasit.
5. Propozim Vendim për shpalljen e interesit të përgjithshëm publik të pronave të paluajtshme ( njësive të ndërtesave –banesave) ,në parcelën nr. 743-1,në zonën kadastrave në Drenas (Gllogoc).
6. Propozim Vendim për këmbimin e pronave të paluajtshme (ndjesive të ndërtesave-banesave) në parcelën nr. 743-1,në zonën kadastrave në Drenas (Gllogoc).
7. Propozim Vendim për shpronësimin e pronave të paluajtshme ( njësive të ndërtesave –banesave) ,në parcelën nr. 743-1,në zonën kadastrave në Drenas (Gllogoc).
8. Propozim Vendim për shpalljen e interesit të përgjithshëm publik të pronave të paluajtshme të hekurudhave të Kosovës (Shoqëri Aksionare ) për parcelat nr. 953-1,961-0,956-0, të cilat ndodhen në zonën kadastrale Drenas (Gllogoc).
9. Propozim Vendim për transfero të mjeteve nga projekti rregullimi dhe kultivimi i sipërfaqeve gjelbëruese dhe rregullimi i sheshit të qytetit në projektin mirëmbajtja e kanalizimeve fekale, atmosferike dhe gropave septike.
10. Propozim Vendim për shpalljen e Interesit të Përgjithshëm Publik të pronave të paluajtshme ish shoqërore të OP-Drenicës,të cilat janë nënë menaxhimin e AKP-së, në zonën Kadastrale Korroticë të Epërme.
11. Të ndryshme.

Për shkak të gjendjes së krijuar nga pandemia, mbledhja e Kuvendit do të zhvillohet në Sallën e Kulturës për t’i respektuar rekomandimet e IKSHP-së në mbajtjen e distancës, ndërsa incizimi i mbledhjes përmes kanalit YouTube nuk do të mund të behët për shkak kushteve, por do të jetë sikur mbledhjet tjera, audio incizim.

Materialin për mbledhjen e rregullt të Kuvendit e gjeni në ueb faqen zyrtare ne këtë link; https://kk.rks-gov.net/gllogoc/category/dokumentet-e-kuvendit/

Shpërndaje këtë lajm në: