Drenasi gati për dimër, nënshkruhet kontrata me kompaninë e cila do të mirëmbajë rrugët
Komuna e Drenasit ka njoftuar për dhënie të kontratës për mirëmbajtje të rrugëve gjatë sezonit të dimrit.
Drenasi është përgatitur me kohë dhe ka përzgjedhur kompaninë e cila do të bëjë largimin e borës dhe akullit nga rruga, hedhjen e kripës dhe rërës nëpër rrugë e trotuare, transmeton DrenicaOnline.
Vlera e kontratës është rreth 266 mijë euro ndërsa kohëzgjatja e marrëveshjes kornizë është 36 muaj.
Kriteret për dhënie të kontratës janë përmbushur, ndërsa kompania e cila ka fituar këtë tender kishte çmimin më të ulët.
Kontrata për shërbime i është dhënë operatorit ekonomik: K.Regjionale e Mbeturinave “Pastrimi” SH.A, me seli në Prishtinë./DrenicaOnline/
