Dedikimi prekës i të sëmurit nga Komorani për mjekët e QKUK-së

Një pacient gjatë trajtimit në Klinikën e Onkologjisë i ka dedikuar një poezi stafit mjekësor.

Poezia e titulluar “Në Klinikën Onkologjike” është një falënderim i veçantë që pacienti Halil Bogaj nga Komorani i Drenasit, ia ka bërë mjekëve dhe infermierëve të cilët janë kujdesur për të.

“Gjeta mjekë dhe infermierë, t’gatshëm për punë kurdoherë – Gjeta motra e vëlla, lum klinika që i ka! Si për këshilla, sugjerime, të kujdesshëm në shërbime – Dijen, shkencën i zbatojnë dhe moralin ia shtojnë – Për ushqim dhe kulturë n’kët’ nivel s’kam pa kurrë”, ka shkruar poeti e pacienti.

Drejtori i Klinikës Ilir Kurtishi e ka falënderuar Bogajn dhe i ka uruar shërim të shpejt.