Kryetari Lladrovci pret në takim artistin nga Drenasi, Driton Kastrati
Kryetari i Komunës së Drenasit, Ramiz Lladrovci, ka pritur në takim artistin nga Drenasi, Driton Kastrati, i cili është i ftuar të marr pjesë në mesin e shumë artistëve nga të gjitha vendet e botës, në një ekspozitë me renome botërore në shtetin e Indisë.
Kryetari Lladrovci ka përgëzuar për të arriturat artistin Kastrati dhe ka inkurajoj për të vazhduar më tutje më sukseset e tij. Ndërsa Driton Kastrati ka falënderuar kryetarin Lladrovci për takimin dhe përkrahjen që i ka dhënë për të përfaqësuar Kosovën në arenën ndërkombëtare.
Artisti nga Drenasi, Driton Kastrati, gjatë muajit tetor do të merr pjesë në ekspozitën ndërkombëtare të artit e cila do të mbahet në qytetin Panjab të Indisë me rastin e Ditës Ndërkombëtare të Paqes, ku do të përformojnë me artet e tyre shumë artistë nga e mbarë bota për të paraqitur punimet e tyre artistike për paqen mbarëkombëtare dhe mundja ndaj virusit global covid-19. Artisti Kastrati do të përfaqësoj Drenasin dhe Kosovën në këtë event kulturor.
Driton Kastrati ka pranuar edhe shumë ftesa të tjera nga vende të botës në ekspozita të ndryshme ndërkombëtare.
