Lladrovci pas zgjedhjes së Talat Xhaferit si Kryeparlamentar: Dalshi faqebardhë!
Kryetari i komunës së Drenasit, Ramiz Lladrovci, ka përgëzuar Talat Xhaferin me rastin e përzgjedhjes së tij në krye të Parlamentit të Maqedonisë së Veriut.
Udhëheqja Juaj shembullore e Parlamentit gjatë mandatit të shkuar, ishte dëshmi e fuqishme e mundësisë së shqiptarëve, e konfirmuar nga kontributi dhe përvoja gjatë historisë, ka shkruar z. Lladrovci në rrjetin social.
Ja postimi i Ramiz Lladrovcit në fb:
Urime miku im, Talat Xhaferi!
Zgjedhja Juaj në krye të Parlamentit të Maqedonisë së Veriut, është arritje për shqiptarët dhe shtetin i cili synon zbatimin e barazisë dhe vlerave euro-atlantike.
Udhëheqja Juaj shembullore e Parlamentit gjatë mandatit të shkuar, ishte dëshmi e fuqishme e mundësisë së shqiptarëve, e konfirmuar nga kontributi dhe përvoja gjatë historisë.
Miku im,
Me funksionin e Kryeparlamentarit, Ju i jepni dimension të ri e vlerë të shtuar BDI-së dhe kombit Tuaj. Dalshi faqebardhë!
