Njoftim nga Komuna e Drenasit: Zgjatet afati për aplikim për pagesa direkte
Drejtoria për Bujqësi, Pylltari dhe Zhvillim Rural njofton qytetarët se me vendim të Ministrisë është zgjatur afati për aplikim për pagesa direkte/subvencione për kulturat bujqësore për vitin 2020 deri me 28 gusht 2020.
Kjo zgjatje e periudhës për aplikim po bëhet për shkak të situatës së krijuar në vend nga pandemia COVID-19, si dhe kërkesave të fermerëve, Drejtorive Komunale për Bujqësi dhe Zhvillim Rural dhe Asociacionit të Komunave të Kosovës, duke iu mundësuar në këtë mënyrë aplikimin të gjithë fermerëve.
Procedurat e aplikimit dhe dokumentacioni mbetet i njëjtë.
Ndryshe, afati për aplikim për pagesa direkte/subvencione ishte paraparë të mbyllej më 14 gusht 2020.
