Breshëri dëmton rëndë kulturat bujqësore të Liman Nuhës në Kisharekë
Një stuhi breshëri gjatë ditës së sotme ka goditur Komoranin dhe Kisharekën, duke bërë dëme të mëdha materiale, e sidomos në kulturat bujqësore.
Në adresë të DrenicaOnline kanë ardhur edhe pamje të stuhisë së breshërit, ku shihen dëme të mëdha në serat e Liman Nuhës nga Kishareka.
Nuha konfirmon se janë dëmtuar mbi një e hektarë e gjysmë kultura bujqësore që i ka pasur nën sera.
Dëm ky jashtëzakonisht i madh, sidomos në kohë krize të shkaktuar nga pandemia.
Nga videot dhe fotot e dërguara shihen dëme të mëdha në serat e Liman Nuhës, duke parë se breshëri arrinte madhësinë e grushtit të dorës.
Përveç Kisharekës, breshëri ka dëmtuar edhe Komoranin.