“Lajm i padrejtë nga institucioni i drejtësisë!”

Pas njoftimit të gjykatës speciale se është ngritur akuzë për Presidentin, Thaqi dhe Kadri Veselin, ka reaguar Kryetari i Komunës së Drenasit, Ramiz Lladrovci.

Lladrovci tha se morëm lajm të padrejtë nga një institucion i drejtësisë.

Shkrimi i plotë:

Në kohën kur presim që shteti ynë të marrë përkrahje për fuqizimin e shtetësisë, sundimin e ligjit dhe mirëqenies së qytetarëve, ne marrim lajm të padrejtë, nga institucioni i drejtësisë!

Dy udhëheqësit e Ushtrisë Çlirimtare të Kosovës, Hashim Thaçi dhe Kadri Veseli, deri më tani ishin të vetmit që nuk janë ndjekur penalisht. Lajmi tronditës se do të akuzohen, më shqetësoi pa masë.

Tashmë, të gjithë drejtuesit madhor të UÇK-së, e përjetuan përndjekjen.

Edhe drejtësia ndërkombëtare e di, ashtu sikurse të gjithë ne e dimë se lufta e Ushtrisë Çlirimtare të Kosovës ka qenë dhe do të mbetet përgjithmonë e pastër dhe e drejtë.

Asnjë tendencë për të njollosur udhëheqësit tanë, në asnjë gjykatë, as vendore, as ndërkombëtare, nuk mund të ketë sukses.

Lavdi Ushtrisë Çlirimtare të Kosovës!

Lavdi heronjve, dëshmorëve dhe martirëve të lirisë!