Ndihmohet me 13800 euro Lorik Faziu nga Drenasi për shërim jashtë vendit

Kryetari i Komunës së Drenasit, Ramiz Lladrovci, ka pritur në takim Muhamet Ajrullahu nga Gjilani, i cili me vetiniciativë ka grumbulluar përmes donatorëve vullnetmirë 13.800 euro për shërimin e Lorik Fazliut nga Drenasi i cili ka nevojë për shërimin jashtë vendit.

Kryetari i Komunës, Ramiz Lladrovci ka falënderuar Muhamet Ajrullahu dhe gjithë donatorët të cilët kanë shprehur vullnetin për ti ndihmuar Lorik Fazliut, 5 muajsh i cili është diagnostikuar me leukemi akute dhe ka nevojë për shërimin e tij jashtë vendit.

Edhe prindi i Lorikut, ka falënderuar donatorët të cilët kanë shprehur gatishmërinë për t’i ndihmuar në shërbimin e tij jashtë vendit.