Jashari për masakrën e Izbicës: Ata që e bënë këtë krim ende s’kanë marrë dënimin e merituar
Kryetari i komunës së Skenderajt, Bekim Jashari në 21 vjetorin e masakrës së Izbicës, ka thënë se kjo masakër bashkë me masakrat tjera që okupatori serb bëri mbi civilët e pafajshëm lanë gjurmë të pashlyeshme të krimeve e gjenocidit serb në Kosovë.
Jashari ka shkruar se në rrethana krejtësisht tjera nga vitet e kaluara kujtojmë e nderojmë martirët e kësaj masakre nga fshati Izbicë dhe nga fshatra tjera të Skenderajt e komuna tjera të cilët kishin shkuar për strehim në vendin që dëshmon vuajtet dhe sakrificën e popullit tonë liridashës.