Qytetarët e Drenasit vazhdojnë ti respektojnë urdhërat e Qeverisë
Qytetarët e Komunës së Drenasit po vazhdojnë ti respektojnë urdhërat e Qeverisë së Kosovës dhe Institutit të Shëndetësisë Publike për të qëndruar në shtëpitë e tyre.
Në kohën kur ka shpërthyer pandemia nga virusi COVID-19, masa më e mirë preventive për secilin është qëndrimi i izoluar në shtëpi.
Kjo ka ndikuar edhe te qytetarët e Drenasit, që po tregojnë një vëmendje, qytetari dhe kujdes të jashtëzakonshëm karshi pandemisë.
Këtë e dëshmon edhe kjo foto nga sheshi i qytetit në të cilin nuk shihet asnjë lëvizje.
Qeveria e Kosovës dhe KK Drenas vazhdimisht apelon te qytetarët që të qëndrojnë në shtëpitë e tyre dhe në këtë mënyrë ta kalojmë sa më shpejtë coronavirusin e ri që ka prekur në përmasa globale. /DrenicaOnline
