Detaje mbi krimin në Prishtinë, vrau gruan, nusen e djalit dhe më pas veten
Një ngjarje shumë e rëndë ka ndodhur pak minuta më parë në lagjen Dardania në Prishtinë.
Tre persona kanë mbetur të vdekur. Sipas burimeve të Indeksonline një person ka vrarë gruan e vetë, nusen e djalit si dhe veten në fund.
Ndryshe Indeksonline ka kontaktuar edhe Kryeprokurorin e Prishtinës, Imer Beka i cili ka thënë se tashmë është duke shkuar në vend të ngjarjes.
“Kam informacione se ka ndodhur vrasje e dyfishtë dhe një vetëvrasje, por më tepër informacione nuk kam pasi jam duke shkuar në vend të ngjarjes”, tha shkurt Beka.
Rasti në fjalë është konfirmuar edhe nga Policia e Kosovës.
“Sot rreth orës 13:30, policia ka marrë informacionin për një vdekje të dyshimtë në rrugën “Bill Klinton” në Prishtinë. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore”, ka deklaruar për Indeksonline, Flora Ahmeti, zyrtare për informim në Policinë Rajonale të Prishtinës.
