Trump shpall tarifat e reja: Kosovës dhe Shqipërisë 10 për qind, Serbisë 37 për qind
Presidenti i Shteteve të Bashkuara të Amerikës, Donald Trump, ka njoftuar vendosjen e tarifave të reja ndaj partnerëve tregtarë të SHBA-së, të cilat do të hyjnë në fuqi që nga mesnata e sotme.
Gjatë një fjalimi në Shtëpinë e Bardhë, ai ka shfaqur një grafik për të ilustruar tarifat ekzistuese dhe të reja.
Në listën e shteteve të prekura nga tarifat e reja figuron edhe Kosova, e cila do të përballet me një tarifë prej 10 për qind.
Me të njëjtën tarifë do të përballet edhe Shqipëria dhe Mali i Zi.
Ndërkohë, Serbisë i ka vendosur tarifë prej 37 për qind. Gjithashtu Bosnja dhe Hercegovina do të tarifohen me 35 për qind ndërsa Maqedonia e Veriut me 33 për qind./Indeksonline/
