Nëntë të lënduar/ Hidhet granatë dore në tregun e kafshëve
![](https://drenicaonline.com/wp-content/uploads/2023/11/fb197920-317d-4a90-a7f1-560a549670e2-600x360-1.jpg)
Nëntë persona janë lënduar në tregun e kafshëve në Prizren, pasi dyshohet se një person ka gjuajtur granatë dore pas një mosmarrëveshje që kishte pasur me dikë tjetër.
Rastin për Express e ka konfirmuar Shaqir Bytyqi nga Policia në Prizren.
Ai tha se rasti ka ndodhur para orës 5 të mëngjesit dhe bëri të ditur se të lënduarit po trajtohen në Spitalin Rajonal të Prizrenit.
Bytyqi tha se të dyshuarit janë larguar nga vendi i ngjarjes dhe se janë ende duke i kërkuar.
“Pas një mosmarrëveshje ndërmjet tregtarëve njëri prej tyre ka hedhur një granat dore dhe është larguar nga vendi i ngjarjes, policia është në kërkim të tre të dyshuarve”, tha Bytyqi.