300 euro gjobë dhe 3 pikë negative për shoferin që voziti shumë shpejt në Llapushnik
Shpejtësia shpesh herë ka qenë arsyeja qe mori jetë të shumta në aksidente të trafikut.
E lidhur me këtë së fundi Policia e Kosovës ka vazhduar shqiptimin e gjobave në drejtim të drejtuesve të automjeteve që thyejnë rregullat në trafik me një shpejtësi të palejuar.
Së fundi në Llapushnik të Drenasit më zonën ku kufizimi i shpejtësisë është 70 km/h është identifikuar shoferi duke drejtuar automjetin me 144 km/h.
I njëjti është gjobitur me 300 euro dhe 3 pikë negative.
Poashtu i është ndaluar drejtimi i automjetit me veprim motorik, transmeton lajmi.net.
Njoftimi i plotë:
Në zonën ku kufizimi i shpejtësisë është 70 km/h identifikohet shoferi duke drejtuar mjetin me 144 km/h (gjobitet me 300€, 3 pikë negative dhe 3 muaj i ndalohet drejtimi i mjetit me veprim motorik).
Policia e Kosovës do të vazhdojë me ndërmarrjen e masave dhe veprimeve ligjore ndaj kundërvajtësve të ndryshëm të cilët rrezikojnë sigurinë në trafikun rrugor.
