Aksident trafiku në një fshat të Skenderajt, i lënduari dërgohet në Spital të Mitrovicës

Një person është lënduar në një aksident trafiku që ka ndodhur në fshatin Tërrnavc të Skenderajt. Policia ka njoftuar se aksidenti ka ndodhur të martën rreth orës 07 e 30 minuta.

“Një shofer derisa ishte duke drejtuar automjetin e tij Kombi me targa vendore, nga pakujdesia godet automjetin Golf të cilin e drejtonte viktima mashkull kosovar”, thuhet në njoftimin e policisë, transmeton DrenicaOnline.

Si pasojë e aksidentit lëndime trupore ka pësuar vozitësi i veturës Golf i cili është dërguar për tretman mjekësor në Spitalin Rajonal të Mitrovicës.

/DrenicaOnline/