Për nder të 28 Nëntorit, prezantohen punimet personale të piktorit Nazmi Heta

Më rastin e shënimit të 28 Nëntorit, Ditës së Flamurit, daljes publike të Ushtrisë Çlirimtare të Kosovës dhe ditëlindjes së Komandantit Adem Jashari, në hollin e Sallës së Kulturës, është mbajtur ekspozita e piktorit nga Drenasi, Nazmi Heta me punimet e tij personale.

Ekspozita e pikturave të Nazmi Hetës, është mbështetur nga Komuna e Drenasit, përkatësisht nga Drejtoria për Kulturë, Rini e Sport. Në këtë ekspozitë kanë marr pjesë shumë personalitete dhe qytetarë për të parë nga afër mbi 50 punime personale te Nazmi Hetës.

Komuna e Drenasit përgëzon piktorin Heta për kontributin e tij në fushën e artit, i cili asnjëherë nuk është ndalur se krijuari punime të bukura.