Ajazi takon banorët në Fushticë e Epërme, u premton projekte të reja
Kandidati për kryetar të Komunës së Drenasit, Driton Ajazi ka falënderuar banorët e fshatit Fushticë e Epërme për pritjen dhe për mbështetjen siç thotë ai të fuqishme drejt fitores së madhe të 14 nëntorit.
“Banorët e Fushticës së Epërme janë kontribues të mëdhenj, sepse prej kohësh e kanë kuptuar tradhëtinë e kryetarit në ikje, i cili besimin e dhënë me votë nuk e ktheu me punë, por me stagnim e hakmarrje”, ka thënë Ajazi.
Ai ka deklaruar se do të punojnë shumë në finalizimin e gjithë infrastrukturës dhe në lansimin e projekteve të reja zhvillimore.
Ajazi u ka bërë thirrje qytetarëve që të votojnë 182 në zgjedhjet e së dielës.
