Sami Lushtaku prezanton kandidatin e parë për asamble komunale

Sami Lushtaku si duket e ka seriozisht kandidaturën për kryetar të Komunës së Skenderajt. Ai madje sot ka nisur t’i prezantoi kandidatët për asamble komunale, transmeton IndeksOnline.

“Në ditëlindjen e tij të 45-të, duke i dëshiruar shëndet e jetë të gjatë, sot e prezentoj Mentor Mehmetin edhe si kandidatin e parë të Partisë Demokratike të Kosovës për anëtar të asamblesë komunale në Skenderaj”, ka shkruar Lushtaku në profilin e tij në Facebook.

Lushtaku ka thënë se Mehmeti është një djalë shumë i zgjuar i një familje të jashtëzakonshme, që pavarësisht sfidave të jetës ai nuk dorëzohet asnjëherë.

“Mentori është vlerë e shtuar për ne! Shëndet, jetë të gjatë e suksese për Mentorin”, ka shkruar Lushtaku në Facebook.