Vajza e Jakup Krasniqit: MPJ nuk po na lejon që të ju dërgojmë pako me gjëra esenciale të arrestuarve në Hagë
Vajza e Jakup Krasniqit, Gresë Krasniqi përmes një postimi ka thënë se Ministria e Punëve të Jashtme e Kosovës nuk po lejon që të dërgojnë pako me gjëra esenciale të arrestuarve në dhomat e paraburgimit në Hagë.
Krasniqi ka shkruar se ministrja, Donika Gërvalla ka marr vendim që ato pako të mos dërgohen përmes ministrisë, transmeton Indeksonline.
Postimi i plotë:
Pakot me gjëra esenciale deri tash i kem dërgu në dhomat e paraburgimit në Hagë, përmes Ministrisë së Punëve të Jashtme. Donika Shwarz, paska marr vendim që ato pako mos me u dërgu permes Ministrisë së saj. Ajo duhet me i lënë anash ose inatet personale ose ministrinë që aq dobët e udhëheq ose të përgjigjet për veprimet e saj! Krejt dhe Zhdrejt!
