Vjedhje e rëndë në Komoran, shikojeni se çfarë i bënë shtëpisë hajnat (Foto)
Një vjedhje e rëndë ka ndodhur të premten në shtëpinë e një mërgimtari në Komoran, transmeton DrenicaOnline.
Sipas familjarëve me mbiemrin Ibriqi, hajnat kishin hyrë brenda shtëpisë ku kanë vjedhur gjësende me vlerë nga teknika e bardhë.
Vjedhja ka ndodhur në rrugën “Xheladin Gashi” dhe sipas familjarëve, dëmi llogaritet të jetë rreth 3 mijë euro.
Familjarët kanë thënë për portalin “DrenicaOnline.com” se më të kuptuar se ka ndodhur vjedhja kanë informuar menjëherë Policinë e Kosovës e cila ka dalë në vendin e ngjarjes dhe është duke u marrë me rastin.
Pronari i shtëpisë jeton në Zvicër ndërsa hajnat e kanë shfrytëzuar këtë duke e demoluar në tërësi shtëpinë e tij.
Rikujtojmë se rastet e vjedhjeve nëpër shtëpi por edhe të veturave janë bërë të shpeshta kohët e fundit./DrenicaOnline/
