Dy nxënësit e arrestuar për therjen me thikë në Drenas dërgohen prapa grilave
Policia e Kosovës ka dhënë detaje shtesë për rastin e therjes me thikë të dy nxënësve në Drenas.
Sipas policisë, rasti ka ndodhur të mërkurën në orën 11 e 40 minuta dhe menjëherë njësitet përkatëse të policisë I janë përgjigjur thirrjes.
“Janë arrestuar dy të dyshuarit meshkuj kosovarë (nxënës), pasi që të njëjtit pas një mosmarrëveshje i kanë sulmuar fizikisht me një mjet të mprehtë dy viktima meshkuj kosovarë (nxënës), të cilët janë duke u trajtuar në Qendrën Klinike Universitare të Kosovës”, thuhet në njoftimin e policisë dërguar mediave.
Me vendim të prokurorit të rastit, dy të dyshuarit pas intervistimit janë dërguar në mbajtje ndërsa hetimet në lidhje me rastin ende janë duke vazhduar.
