Ballkani e ka shkarkuar nga detyra e trajnerit Ismet Munishin.
Burime të Indeksonline bëjnë të ditur se presidenti Arsim Kabashi pak minuta më parë ka zhvilluar një takim me Munishin ku e ka njoftuar me vendimin e klubit.
18 muaj zgjati aventura e tij si trajner te Ballkani, por nuk arriti të fitonte ndonjë trofe.
Sivjet, edicionin vjeshtor të Superligës e mbylli në vendin e dytë.
Në ndeshjen e fundit ndaj Gjilanit, Ballkani pësoi disfatë 0-4, që ishte më e thella për ta në 20 vjetët e fundit në elitë.
