Juventus ka shënuar fitore në ndeshjen e xhiros së katërt të Serie A.
Zonja e Vjetër mposhti në “Allianz Stadium” Sassuolon me rezultat 2-1.
Të dy golat në këtë ndeshje i shënoi Cristiano Ronaldo, shkruan indeksonline.
Portugezi fillimisht në minutën e 50-të shfrytëzoi një tollovi për të shënuar golin e parë me Juven.
Në minutën e 65-të ai përmes kundërsulmit shënoi golin e dytë për t’i dhuruar tri pikë të arta skuadrës së tij.
Golin e vetëm për Sassuolon e shënoi Babacar në minutën e parë shtesë.
Me këtë fitore, Juventus është në vendin e parë me 12 pikë pas katër ndeshjesh të zhvilluara. /IndeksOnline/