Aksident i rëndë në magjistralen Ferizaj–Prishtinë, dyshohet për viktima – PAMJE
Një aksident i rëndë trafiku ka ndodhur sot në orët e hershme të mëngjesit në magjistralen Ferizaj–Prishtinë, saktësisht në afërsi të rrethit të Marigonës, ku për pasojë dyshohet se ka të vdekur, raporton Gazeta Sinjali.
Në pamjet që ka siguruar Sinjali, shihet se vetura ka përfunduar në një shtyllë, ku përveç dëmeve materiale, dyshohet se ka edhe viktimë, por ende nuk ka konfirmim zyrtar për numrin e të lënduarve apo të vdekurve.
Njësitet përkatëse të Policisë së Kosovës kanë dalë menjëherë në vendin e ngjarjes dhe po merren me hetimin e rastit.
Gazeta ka kontaktuar me Policinë e Kosovës dhe është në pritje të një përgjigjeje zyrtare për më shumë detaje rreth rastit.
