Arrestohet djali i pronarit të “Lajthizës”, dyshohet se plagosi me armë tre persona në lokalin e VIP-ave
I riu Edison Elezaj, djali i biznesmenit, Hajri Elezaj, pronari i “Lajthizës” tashmë është arrestuar. Mediat në Shqipëri raportojnë se 32-vjeçari ka rënë në prangat e Policisë lidhur me ngjarjen të ndodhur në korrik të këtij viti, ku dyshohet se plagosi me armë zjarri tre persona.
Prej korrikut djali i biznesmenit ndodhej në arrati dhe mbrëmjen e kësaj të mërkure është bërë i mundur arrestimi i tij.
Natën kritike, Policia kishte bërë me dije se rasti kishte ndodhur aksidentalisht, ndërsa Elezaj pas ngjarjes ishte larguar menjëherë.
Kujtojmë se ngjarja e rëndë ndodhi rreth orës 01:30 më 23 korrik 2024 në ambientet e restorantit “Savoy Garden” në Tiranë.
