Lladrovci shpreh ngushëllime për familjen Gucati dhe të gjithë ata që e ndjejnë këtë dhimbje

Kryetari i komunës së Drenasit, Ramiz Lladrovci, ka ngushëlluar Familjen Gucati, miqtë dhe dashamirët e saj, me rastin e vdekjes së Avdullahut, babait të Hysniut, kryetarit që Shoqatës së Veteranëve të UÇK-së.

Në mesazhin e ngushëllimit, Lladrovci ka shkruar se “Qëndresa në këto ditë të vështira është rrugë e vetme. Familja Gucati dhe Hysniu, nuk janë vetëm, as dje, as sot, as nesër”.

Postimi i Lladrovcit në rrjetin social:

Me dhimbje të thellë mora lajmin se ka kaluar në amshim, Avdullah Gucati, baba i Hysniut, kryetar i Shoqatës së Veteranëve të UÇK-së.

I shpreh ngushëllimet e mia të sinqerta për familjen Gucati, miqtë dhe dashamirët të cilët e ndjejnë dhe përjetojnë këtë dhimbje.

Qëndresa në këto ditë të vështira është rrugë e vetme. Familja Gucati dhe Hysniu, nuk janë vetëm, as dje, as sot, as nesër!

Mbahuni të fortë!