Asamblistëve të PDK-së në Drenas i bashkohet asamblistja Mirlinda Dvorani nga opozita
Kryetari i komunës së Drenasit, Ramiz Lladrovci, ka publikuar lajmin se Grupit të asamblistëve të PDK-së në Asamblenë komunale, i bashkohet asamblistja e “Demokratëve për Drenasin”, Mirlinda Dvorani.
Lladrovci ka shkruar po ashtu se “vendimi juaj e fuqizon edhe më tej moton e fitores, Bashkë për Drenasin. Interesi qytetar do të përfaqësohet më së miri me unitetin tonë, bashkëpunimin dhe harmonizimin e mëtejshëm për interesin qytetar, interesin e komunës tonë”.
Postimi i plotë i Lladrovcit:
Grupi i asamblistëve të PDK-së në Drenas, nga sot, është më i madh edhe për një anëtare. Asamblistja Mirlinda Dvorani, deri tash pjesëtare e DD, kalon në PDK dhe do të jetë votë dhe vlerë e shtuar në Asamblenë komunale të komunës së Drenasit.
Mirë se vjen Mirlindë!
Vendimi juaj e fuqizon edhe më tej moton e fitores, Bashkë për Drenasin. Interesi qytetar do të përfaqësohet më së miri me unitetin tonë, bashkëpunimin dhe harmonizimin e mëtejshëm për interesin qytetar, interesin e komunës tonë.
Qeverisja jonë lokale do të vazhdojë të jetë shembullore me zbatim të ligjshmërisë, transparencë dhe llogaridhënie.
Respekt Mirlindë!
