Fillon implementimi i programit të vizitave në terren për nëna dhe fëmijë
Dje në Drenas u përurua fillimi i programit të vizitave në shtëpi për nëna dhe fëmijë. Ky projekt i përkrahur nga UNICEF-i ka për qëllim mbrojtjen, përmirësimin dhe mirëqenien e shëndetit të nënave dhe fëmijëve, në veçanti të grupeve të varfra dhe të cenueshme.
Me rastin e fillimit të projektit, kryetari Lladrovci falënderoi UNICEF-in për përkrahje në këtë projekt dhe tha se “ky program do të dëshmojë stabilitetin e sistemit tonë lokal shëndetësor në Drenas dhe në të ardhmen duke zbatuar praktikat më të mira për kujdesin e nënës dhe fëmijës, do të bëhet pjesë e përditshmërisë së profesionistëve shëndetësor”. Me këtë rast u vizitua një familje në shtëpi për të parë në praktikë se si funksionon ky program.
Me këtë rast të pranishëm ishin edhe Kryetari i Kuvendit të Republikës së Kosovës, Kadri Veseli, dhe Ministri i Shëndetësisë, Uran Ismaili, dhe shefi i Zyrës së UNICEF-it për Kosovë, z. Murat Sahin.
