Përkujtohet dëshmori i parë i Rahovecit, Abdullah Bugari në 26 vjetorin e rënies heroike
Sot janë bërë 26 vite nga Epopeja e Rahovecit. Kryetari i kësaj komune, Smajl Latifi ka shkruar se të Muri i Pikëllomit, nderuan dëshmorët e Epopesë së Rahovecit të korrikut 1998: Avdullah Bugari, i rënë më 17 korrik, i cili është dëshmori i parë, si dhe Gëzim Hamza “Piktori”, i rënë më 19.7.1998.
“Avdullahu do të kujtohet përgjithmonë si një veprimtar i organizuar në lëvizjen tonë të fshehtë për liri, gjithashtu për trimërinë e treguar në luftë. Ai ishte shembull frymëzimi për ushtarët e UÇK-së dhe mbetet frymëzim atdhedashurie për të gjithë, sot dhe gjithmonë”, ka shkruar ndër të tjera Latifi.
