Aksident tragjik/ Viktima dërgohet pa shenja jete në QMF-në e Komoranit
Një aksident trafiku me pasoja fatale ka ndodhur sot rreth orës 14:00 në fshatin Shalë të Lipjanit.
Burimet e DrenicaOnline kanë thënë se një person i lindur në vitin 1957 ka humbur jetën pasi traktori me të cilin po udhëtonte u përfshi në aksident.
Viktima është dërguar në Qendrën e Mjekësisë Familjare (QMF) në Komoran, ku është konstatuar se ai kishte mbërritur pa shenja jete.
Policia rrugore ka nisur hetimet për të zbardhur rrethanat e aksidentit./DrenicaOnline/