Adnan Thaqi: “Reçaku do të jetojë përherë në zemrat tona”
Kandidati për deputet nga Partia Demokratike e Kosovës (PDK), Adnan Thaqi, ka ndarë një mesazh të fuqishëm në kujtim të masakrës së Reçakut, një nga ngjarjet më tronditëse të luftës në Kosovë. Thaqi theksoi se ky krim barbar, ku humbën jetën gra, fëmijë dhe të moshuar, është një nga momentet që tronditi jo vetëm vendin, por edhe botën e gjerë.
“Masakra e Reçakut është një simbol i sakrificës dhe qëndresës. Viktimat e saj janë heroët e paemër, që nuk do të harrohen kurrë. Pavarësisht kalimit të viteve, drejtësia ende nuk është bërë për ta. Ata që urdhëruan dhe ekzekutuan këtë krim të pafalshëm nuk janë ndëshkuar”, tha Thaqi.
Kandidati i PDK-së shtoi se kujtimi i viktimave të Reçakut është një thirrje e fuqishme për drejtësi, një drejtësi që, sipas tij, do të luftohet për të garantuar paqen dhe nderimin që ata meritojnë.
“Reçaku do të mbahet gjithmonë në zemrat tona! Lavdi e përjetshme për viktimat e kësaj masakre tragjike!”, përfundoi Adnan Thaqi.
Kujtimi i Reçakut mbetet një moment i shenjë i luftës për liri dhe një thirrje për drejtësi që duhet të jetë e pakompromis.
