Lladrovci: Albin, a s’po sheh a s’po do me pa!

Kryetari i komunës së Drenasit, Ramiz Lladrovci ka shkruar se “Albini s’po sheh apo s’po do me pa”, rreth deklaratës së ministrit Rakiq, i cili mohon Republikën e Kosovës dhe zotohet të mos e njoh kurrë, ndërsa merr pagë nga Buxheti i shtetit të Kosovës.

Me çfarë buxheti paguhet ministri Juaj që nuk e pranon shtetin e Kosovës. Ai deklaron hapur se as nuk e njeh as nuk do ta njoh Republikën e Kosovës. Kujtoja vendimin që ka nënshkruar kur është emëruar ministër, ka shkruar Lladrovci.

Postimi i plotë:

Albin, a s’po sheh a s’po do me pa!
Me a pa dashje, Kryeministria ua dhe 40 milionë euro veriut për rrymë. Ata janë qytetarë të Republikës së Kosovës dhe sigurisht e pranojnë Republikën e Kosovës, janë të pajisur me letërnjoftime, pasaporta, me targa dhe dokumentet tjera identifikuese të shtetit tonë.

Çka është shumë është shumë, megjithatë detyrimet ndërkombëtare po i zbaton, edhe qershitë e rezervuara për veriun, një për një shkuan.

Po Rakiqi?

Me çfarë buxheti paguhet ministri Juaj që nuk e pranon shtetin e Kosovës. Ai deklaron hapur se as nuk e njeh as nuk do ta njoh Republikën e Kosovës. Kujtoja vendimin që ka nënshkruar kur është emëruar ministër. Ndryshe, le të flas nga përtej gardhit, jashtë Qeverisë. Kushtetuta ta lejon me bë ndryshim në Kabinet qeveritar edhe me ju dhanë shembull tjerëve se kushdo ha bukën e buxhetit të Republikës së Kosovës, nuk mund ta përmbys as të pështyj në të.

Albin, a s’po sheh a s’po do me pa!

Apo edhe Rakiqi merr pagë nga ndonjë buxhet tjetër. Vepro Albin, kalo nga fjalët në vepra!

Shpërndaje këtë lajm në:

Më shumë