“Keqbërësit” ndotin ambientin në Vasilevë, ky është reagimi i inspeksionit (Foto)
Gjatë inspektimeve në Komunën e Drenasit nga Drejtoria e Inspekcionit, konkretisht inspektoret e mjedisit, janë vërejtur hedhje të pakontrolluara të mbeturinave nga qytetarët në venet publike, të cilat po e rendojnë ambientin ku jetohet.
Sipas njoftimit të komunës, Drejtoria e Inspekcionit, është vënë në lëvizje duke identifikuar “keqbërësit” e ambientit, e ku ka ndërmarr dhe do të ndërmerr masa sipas ligjeve në fuqi. Në liqenin e Vasilevës, gjatë vikendit të kaluar, është vërejtur hedhje e pakontrolluar e mbeturinave dhe djegia e tyre, gjë që pas lajmërimit nga qytetarët, inspektoret kanë vizituar dhe kanë parë nga afër, së gjendja nuk është e mirë (shihni edhe fotot).
Drejtoria e Inspekcionit, u bënë thirrje të gjithë qytetarëve që të shfrytëzojnë këto ambiente për rekreacion, piknikë e gjëra rekreative për vikende, por të mbajnë ambientin e pastër dhe të mbledhin mbeturinat që hedhin.
Drejtoria e Inspekcionit mbetet e përkushtuar për një mjedis të pastër, ndërsa të gjithë ata që abuzojnë me mjedisin ku jetojnë, do të ndëshkohen sipas ligjeve.
Hedhja e mbeturinave në vendet publike, përveç tjerash, paraqet edhe vepër penale, prandaj vetëdijesimi për një mjedis të pastër, përveç që është kulturë, paraqet edhe nivelin tonë e dashurisë për vendin ku jetojmë.
#MoshidhniMbeturina
#MbroniAmbientinkujetoni
