Ky është 23 vjeçari shqiptar që u gjet në kanal i vdekur nga goditjet me thikë

I riu që shikoni në fotografi është 23-vjeçari Florian Selimi i cili u vra me thikë mëngjesin e sotëm në Fier, për tu gjetur i hedhur në një kanal.

Dyshimet e para janë se i riu është konfliktuar fizikisht me një person tjetër, ndërkohë që ka ndërruar jetë si pasojë e plagës së marrë nga goditja e thikës.

Policia tha zyrtarisht se rreth orës 07:00 të kësaj të hëne, në vendin e quajtur “Kthesa e Hamilit” është gjetur pa shenja jete 23-vjeçari Florian Selimi.

Sakaq pranë kanalit ku u gjet trupi i pajetë, është gjetur një makinë tip “Renault” me targa AA641EN, me kofano të hapur dhe një gomë të hequr.

Aktualisht grupi hetimor po punon për zbardhjen dhe dokumentimin e kësaj ngjarje, me synim identifikimin dhe kapjen e autorit të dyshuar për krimin.

Viktima me origjinë nga Tropoja, prej disa vitesh jetonte në Fier.

Më shumë