Shkencëtarët i kthejnë sinjalet e Wifi-së në energji elektrike
Shkencëtarët kanë shpikur një makinë që konverton sinjalet Wifi-së në energji elektrike për pajisjet e energjisë pa pasur nevojë për një bateri.
Rezultati përfundimtar është një pajisje e vogël dy-dimensionale që mundësohet vetëm nga valët Wi-Fi që kalojnë përmes saj.
Sipas studiuesve, Wi-Fi mund të bëhet burim i përhapur i energjisë në sajë të një gjysmëpërçuesi të avancuar që konverton sinjalin në një rrymë të dobishme të drejtpërdrejtë, shkruan Daily Mail, transmeton Indeksonline.
Studiuesit e Institutit të Teknologjisë të Massachusetts (MIT) përdorën një material super të hollë dhe të lakueshëm të njohur si disulfid molibden (MoS2), një nga gjysmëpërçuesit më të hollë në botë, për ta tejkaluar këtë kufizim.
