Aksident i rëndë trafiku në Zabel të Ulët, lëndohen tre persona (Video)
Një aksident trafiku ka ndodhur sot rreth orës 18:00 në fshatin Zabel i Ulët të Drenasit, ku janë përfshirë tri automjete.
Lajmin e ka konfirmuar për DrenicaOnline zëdhënësja e policisë rajonale, Flora Ahmeti, e cila bëri të ditur se si pasojë e përplasjes kanë mbetur të lënduar tre persona.
Personat e lënduar kanë marrë ndihmë mjekësore, ndërsa njësiti i trafikut rrugor është duke hetuar rrethanat dhe shkaqet e aksidentit.
Policia apelon për kujdes të shtuar në rrugë për të shmangur ngjarje të tilla./DrenicaOnline/
