Faqja e specializuar e të dhënave të futbollit dhe jo vetëm, “Sofascore” ka bërë përzgjedhjen e formacionit më të mirë të vitit 2024.
Sipas kësaj faqe, përzgjedhja është bërë në bazë të notave të marra nga futbollistët, për ndeshjet e tyre me klub dhe kombëtare përgjatë vitit që lamë pas, me lojtarët e përfshirë nga 20 ligat më të forta të botës.
Në këtë 11-she të përpiluar nga “Sofascore” bën pjesë edhe gardiani i kombëtares së Kosovës, Arijanet Muric, i cili aktualisht është pjesë e Ipswich Toën, derisa pjesën e parë të vitit 2024 mbronte ngjyrat e Burnleyt.
Muric është vlerësuar me notën 7.48 për paraqitjet e tij në fushën e lojës mes Kosovën, Burnleyn dhe Ipswichin.
Pjesë e formacionit janë edhe fituesi i Topit të Artë, Rodri, së bashku me Lionel Messin, derisa mungojnë lojtarët e Real Madridit, që shkëlqyen gjatë vitit 2024, si Vinicius Junior, Kylian Mbappe dhe Jude Bellingham.
Riqui Puig dhe Evander janë të përfshirë nga MLS e ShBA-së, derisa sulmit i prin Viktor Gyokeres.
Grimaldo, Boscagli, Scales dhe Hakimi e kompletojnë fazën e mbrojtjes.
