Klubi i Volejbollit “Gryka” nga Drenasi ka përfunduar sezonin 2024 me një fitore të shkëlqyer kundër ekipit të Kaçanikut. Në një njoftim emocionues, klubi ka shprehur mirënjohje për vajzat e ekipit, trajnerët dhe sponsorët që kanë mbështetur rrugëtimin e tyre.
“Urime vajza për fitoret e vazhdueshme gjatë gjithë sezonit dhe trajnerëve për punën e shkëlqyeshme,” thuhet në njoftimin e klubit, duke veçuar mbështetjen e sponsorëve “Fontana Bar,” “Fer Bar,” dhe “Kopshti Yjet,” si një faktor kyç në suksesin e tyre.
Gjithashtu, klubi ka shprehur falënderime për shokët dhe tifozët që kanë qenë pranë ekipit në çdo hap. “Respekt nga zemra për të gjithë ju që na mbështetët dhe ishit numër të madh sonte”, përfundon njoftimi i tyre.
“KV Gryka” mbyll sezonin me krenari dhe shpresa për suksese të reja në vitin e ardhshëm.